माऊली ऊर्फ ज्ञानदेव महादेव क्षीरसागर, राहुल निकम (वय २७), नितीन जाधव (वय २५), सुहास मारकड (वय २८), संतोष गोंजारी ऊर्फ राणी पाटील (वय ३४), विद्या खळदकर (वय ३५) अशी अटक केलेल्या आरोपींची नावे आहेत.
फिर्यादी डॉक्टर आणि त्यांच्या पत्नीचा न्यायालयात घटस्फोटाचा दावा दाखल होता. पोटगीपोटी पत्नीला २० लाख रुपये देण्याबाबतचा आदेश न्यायालयाने दिला होता. त्यामुळे डॉक्टरने २० लाख रुपये घरात ठेवले होते. दरम्यान, डॉक्टरचे एका महिलेशी प्रेमसंबंध जुळले. दोघे विवाह न करता एकत्र राहत होते. दोघांनी विवाह करण्याचा निर्णय घेतला. डॉक्टरची होणारी पत्नी ९ ऑगस्टला बार्शी येथे माहेरी गेली होती. डॉक्टरच्या घरात मोठी रक्कम असल्याची माहिती तिने भावजय विद्या खळदकरला दिली. विद्याने साथीदारांच्या मदतीने डॉक्टरला लुटण्याचा कट आखला. संतोष धोंडिबा गोंजारी ऊर्फ राणी पाटील या तृतीयपंथीय व्यक्तीने डॉक्टरला श्वान आजारी असल्याबाबत दूरध्वनी केला.
