सातारा शहरातील विकासकामांची पाहणी उदयनराजे भोसले यांनी केले त्यावेळी ते अजिंक्यतारा किल्ल्यावर माध्यमांशी बोलत होते.अजिंक्यतारा किल्ल्याच्या रस्त्याच्या कामाबाबत उद्घाटन करण्यापासून कोणी कोणाला रोखलेले नाही. मात्र, कॉन्ट्रॅक्टरने कॉन्ट्रॅक्टर सारखे काम करावे. मी कोणत्याही श्रेय वादात पडत नाही, पण जो पत्रव्यवहार शासनासोबत झालाय तो कोणी केलाय तो पहावा, असे स्पष्ट मत खासदार उदयनराजे भोसले यांनी व्यक्त केले.
उदयनराजे म्हणाले, गड किल्ल्यांच्या संवर्धनाबाबत संबंधित मंत्र्यांबरोबर एक बैठक होणे गरजेचे आहे. टुरिझम वाढवण्याच्या दृष्टीने जे काही करावे लागेल ते आम्ही करणार आहे. सातारा लोकसभा उमेदवारीबाबत खासदार उदयनराजे भोसले यांनी भाष्य करणे टाळले आहे. लोकसभा निवडणुकीला उभे राहणार की नाही? हे सगळे आता उघडकीस केले तर कसे होणार. लोकांचा आग्रह पण असतो तोही लक्षात घेतला पाहिजे असे सांगत २०२४च्या लोकसभा उमेदवारी राजेंनी गुलदस्त्यात ठेवली आहे.
नितीन देसाई आत्महत्या प्रकरणात सखोल चौकशी होईल याची खात्री आहे.महापुरुषांच्या होत असलेल्या अवमानाबाबत कायद्यात बदल होणे गरजेचे आहे. साताऱ्यात मागे घडलेल्या घटनेबाबत पोलीस अधीक्षकांची भेट घेतली आहे. आठवडाभर वाट पाहूयात, मग पुढील निर्णय घेऊ.
रोहित पवार यांनी काल दहिवडी येथील सभेत पालकमंत्री शंभूराज देसाई यांच्यावर दुष्काळी भागात त्यांनी दौरा केला नाही, असा त्यांना ठपकाच ठेवायचा असेल तर मी काय बोलणार. जिल्हा नियोजन समितीची बैठक पार पडली, त्यावेळेस शंभूराज देसाई यांनी प्रशासनाला दुष्काळी परिस्थितीबाबत सूचना दिल्या आहेत. पालकमंत्री शंभूराज देसाई यांनी १५ ऑगस्ट रोजी सातारा शहरातील कामांची पाहणी केली.यावर उदयनराजे यांनी मी काम केलेत म्हणूनच सर्वजण ही कामे पाहत आहेत, अशी टिप्पणी त्यांनी केली.
