काँग्रेसवर टीका पण कोल्हापूर लोकसभेबाबत सूचक वक्तव्य, धनंजय महाडिक नेमकं काय म्हणाले?

कोल्हापूर: राज्यसभा खासदार धनंजय महाडिक यांनी आज कोल्हापूरमध्ये पत्रकार परिषद घेतली. यावेळी त्यांनी भारतीय जनता पक्षाकडून राज्यातील ४८ लोकसभा जागांची तयारी सुरू आहे, असं म्हटलं. या निवडणुका मुख्यमंत्री एकनाथ शिंदे यांच्या नेतृत्वाखालील लढल्या जातील अशी घोषणा राज्याचे उपमुख्यमंत्री देवेंद्र फडणवीस यांनी यापूर्वीच केली आहे, अशी माहिती महाडिक यांनी दिली. सध्या राज्यासह जिल्ह्यात पक्ष संघटन मजबूत करण्याचे काम सुरू असून लोकसभा निवडणुकीबाबत भारतीय जनता पक्षाच्या राज्यातील नेत्यांकडून सूचना आल्या आहेत. तर, महाडिक कुटुंब निवडणुकीसाठी कायमच तयार असते. पक्षाने निर्णय घेतला आणि महाडिक कुटुंबावर जबाबदारी दिल्यास यासाठीही सज्ज असल्याचे धनंजय महाडिक यावेळी म्हणाले.

आमदार सतेज पाटलांवर टीका

कोल्हापुरात दहा कोटी रुपयांचं इनडोअर स्टेडियम मंजूर करण्यात आलं होतं. शासनाची मंजुरी मिळाली, बजेट ठरलं, जागाही निश्चित झाली आणि वर्क ऑर्डर निघण्याआधीच हा निधी दुसऱ्या कामांसाठी वळवण्यात आल्याच्या आरोप काँग्रेसचे आमदार सतेज पाटील यांनी खासदार धनंजय महाडिक यांच्यावर केला, याला खासदार महाडिक यांनी प्रत्युत्तर दिले आहे. सतेज पाटील यांनी अनेक गोष्टींमध्ये ‘ढपला’ पाडल्याचं त्यांच्याच गटातून फुटलेल्या नगरसेवकांनी सांगितलं आहे. थेट पाईपलाईन पासून अगदी मैदानांच्या कामांपर्यंत सतेज पाटील यांनी काय काय केले आहे, असा सवाल करत आमदार सतेज पाटील यांना पोटशुळ उठल्याची टीका खासदार महाडिक यांनी केली. यामुळे येणाऱ्या निवडणुकीत खासदार महाडिक विरुद्ध आमदार सतेज पाटील असा सामना पुन्हा एकदा पाहायला मिळणार आहे.
चोऱ्या लपवण्यासाठी शिंदे, पवार गट सत्तेत; पृथ्वीराज चव्हाण यांनी जखमेवर मीठ चोळलं, भाजपवरही हल्लाबोल

कन्हैया कुमारची ओळख काय?

देश आणि राज्यभरात काँग्रेसचे बडे नेते असताना कन्हैया कुमारला जाहीर सभेसाठी बोलावून कोल्हापूरच्या काँग्रेसने स्वतःचं हसं करून घेतलं आहे, अशी टीका महाडिक यांनी केली. कोण आहे कन्हैया, त्याची स्वतःची ओळख काय? असा सवाल धनंजय महाडिक यांनी केला.
फक्त ८ मिनिटांत भारताचा आशिया कपचा संघ का बदलला, रोहित शर्मावर ओढवली नामुष्कीची वेळ…
स्वर्गीय पंतप्रधान राजीव गांधी यांच्या जयंतीनिमित्त काँग्रेस आमदार पी. एन. पाटील यांच्या नेतृत्वाखाली कोल्हापुरात रविवारी सद्भावना दौंडचे आयोजन करण्यात आले होते. यानंतर झालेल्या शेतकरी मेळाव्यात मार्गदर्शन करताना अखिल भारतीय काँग्रेस सरचिटणीस कन्हैया कुमारने पंतप्रधान नरेंद्र मोदी, गृहमंत्री अमित शहा, राज्याचे उपमुख्यमंत्री अजित पवार यांच्यावर सडकून टीका केली. कन्हैया कुमारच्या भाषणाचा व्हिडिओ सोशल मीडियावर चांगलाच व्हायरल झाल्यानंतर या भाषणावर प्रतिक्रिया व्यक्त करताना भाजपचे राज्यसभा खासदार धनंजय महाडिक यांनी कन्हैया कुमारला अशा कार्यक्रमाला बोलवावे लागते, देशात आणि राज्यात काँग्रेसचे बडे नेते असताना कोल्हापूरच्या कार्यक्रमाला कन्हैया कुमारला आमंत्रित करून कोल्हापूर जिल्हा काँग्रेसने अपयशी ठरल्याचे सिद्ध केल्याचे खासदार महाडिक यावेळी म्हणाले.

Ajit Pawar : शरद पवारांच्या खेळीला पुतण्या अजितदादांचं चोख प्रत्युत्तर; बीडमध्ये लवकरच नवा पक्षप्रवेश?