देवानंद तिवारी हे इंडिगो एअरलाइन्सच्या फ्लाइट क्रमांक ६ई ५०९३ या विमानाने प्रवास करत होते. त्यांना मुत्रपिंडाचा आणि टीबीचा त्रास होता. प्रवासादरम्यान त्यांची प्रकृती अचानक बिघडली. त्यांना मोठ्या प्रमाणात रक्ताची उलटी झाली आणि त्यातच त्यांचा मृत्यू झाला. परिणामत: विमानाचे नागपूर येथे आकस्मिक लॅण्डिंग करण्यात आले. विमानाचं नागपूर विमानतळावर लँडिंग केल्यानंतर देवानंत तिवारी यांना पुढील प्रक्रियेसाठी विमानतळावर तैनात असलेल्या किम्स-किंग्ज्वे हॉस्पिटलच्या रुग्णवाहिकेतून शासकीय वैद्यकीय महाविद्यालय व रुग्णालय (मेडिकल) येथे नेण्यात आले, अशी माहिती किम्स-किंग्ज्वे हॉस्पिटलचे उपमहाव्यवस्थापक (ब्रॅण्डिंग अॅण्ड कम्युनिकेशन्स) एजाज शमी यांनी दिली.
काही दिवसांपूर्वी नागपूर विमानतळावर वैमानिकाचा मृत्यू
नागपूर विमानतळावर १७ ऑगस्टला एका वैमानिकाचा टेक ऑफ पूर्वी मृत्यू झाला होता. तो वैमानिक इंडिगो एअरलाइन्सचा होता. कॅप्टन मनोज सुब्रमण्यम असं त्याचं नाव होतं. तो नागपूरहून पुण्याला जाणाऱ्या विमानाचं टेक ऑफ करणार होता. विमानतळावरील बोर्डिंग गेटजवळ अचानक ते कोसळले आणि त्यात त्यांचा मृत्यू झाला होता. ह्रदयविकाराचा धक्का आल्यानं त्यांचा मृत्यू झाल्याची प्राथमिक माहिती समोर आली होती. त्या घटनेनंतर विमानतळावर खळबळ उडाली होती.
Ajit Pawar : शरद पवारांच्या खेळीला पुतण्या अजितदादांचं चोख प्रत्युत्तर; बीडमध्ये लवकरच नवा पक्षप्रवेश?
