नागपूर , दि. 9 – ज्या उत्साहाने नागपुरकरांनी स्वीप अंतर्गत वोटथॉन दौडमध्ये सहभाग घेऊन मतदान करण्याचा निश्चय केला आहे त्याचे रुपांतर आता शेजारच्यांनाही मतदान करण्यासाठी प्रवृत्त करण्यात व्हावे. प्रत्येक मतदारांमध्ये हा विश्वास देण्यासाठी युवकांनी पुढे यावे, असे आवाहन पोलीस आयुक्त डॉ. रविंद्रकुमार सिंगल यांनी केले. या ठिकाणी आपण मतदान करण्याची शपथ घेतली आहे. आता इतरांनी मतदान करावे अशी प्रत्येकांने प्रेरणा द्यावी, असे ते म्हणाले.
मतदारांच्या जागृतीसाठी स्वीप अंतर्गत यशवंत स्टेडियम येथे आयोजित वोटेथॉन रॅलीच्या बक्षीस वितरण समारंभात ते बोलत होते. यावेळी मनपा आयुक्त तथा प्रशासक डॉ. अभिजीत चौधरी, जिल्हाधिकारी तथा जिल्हा निवडणूक अधिकारी डॉ. विपीन इटनकर, मनपाच्या अतिरिक्त आयुक्त आंचल गोयल, नागपूरचे निवडणूक निरीक्षक भोर सिंग, सुनील कुमार, पवनकुमार सिंन्हा, जिल्हा परिषदेचे मुख्य कार्यकारी अधिकारी विनायक महामुनी, अतिरिक्त आयुक्त अजय चारठाणकर व मान्यवरांची प्रमुख उपस्थिती होती.
मतदान करणे हे प्रत्येक मतदाराचे राष्ट्रीय कर्तव्य आहे. आपल्या राष्ट्रीय कर्तव्याचे पालन प्रत्येकाने केले पाहिजे. मतदाराचे प्रमाण किमान 75 टक्क्यांपर्यंत पोहचविण्याची जबाबदारी ही प्रत्येक मतदारांची आहे. यासाठी प्रत्येक मतदाराने कृतिशील सहभाग घेतला पाहिजे असे प्रतिपादन जिल्हाधिकारी डॉ. विपीन इटनकर यांनी केले. आपल्या घरी येणाऱ्या बीएलओंकडून आपले मतदान केंद्र लक्षात घेण्याचे आवाहन त्यांनी केले.
वोटथॉन माध्यमातून युवकांनी आपला उत्साह या ठिकाणी वृद्धींगत केला आहे. मतदान करुन याला कृतीची जोड दिली पाहिजे. लोकशाहीचे दूत म्हणून आपले योगदान देण्यासाठी पुढे या असे आवाहन मनपा आयुक्त डॉ. अभिजीत चौधरी यांनी केले.
“व्होटथॉन”च्या प्रारंभी जिल्हा परिषदेचे मुख्य कार्यकारी अधिकारी विनायक महामुनी यांनी उपस्थित सर्वाना मतदानाची प्रतिज्ञा दिली. एक स्वरात प्रतिज्ञा घेत उपस्थितांनी आम्ही मतदान करणार असा संदेश दिला.
भारतीय निवडणूक आयोगाच्या स्वीप आयकॉन व दिव्यांग खेळाडू श्रीमती सुवर्णा राज यांनी दिव्यांग व ज्येष्ठ मतदार यांच्या मतदानासाठी उत्तम सोयीसुविधा करून देत असल्याचे सांगितले. निवडणूक निरीक्षक सुनील कुमार यांनी विधानसभा निवडणुकीत नागपूरकर रेकॉड ब्रेक कामगिरी करीत मतदान करतील अशी अपेक्षा व्यक्त केली. तर निवडणूक निरीक्षक पवनकुमार सिंन्हा यांनी “वोटथॉन”तून निर्माण झालेला उत्साह मतदानाच्या दिवसापर्यत तसाच कायम ठेवावा आणि मतदानासाठी अधिकाधिक संख्येत मतदान करावे, असे आवाहन केले. या माध्यमातून “नागपूरकर, मतदान कर” असा संदेश देण्यात आला.
वोटथॉन मतदार जनजागृती दौड स्पर्धेत मतदार विद्यार्थी, पोलीस प्रशिक्षण केंद्राच्या महिला जवान, सर्व सामान्य नागरिक यांच्यासह शासकीय व खाजगी क्षेत्रातील अधिकारी, कर्मचाऱ्यांनी लक्षणीय सहभाग नोंदवला. विशेष म्हणजे, मतदानाचे महत्त्व पटवून देण्यासाठी ज्येष्ठ धावपटू आणि चिमुकल्यांनी ही सहभाग नोंदविला.
नागपूर शहरातील नागरिकांनी जास्तीत जास्त मतदान करावे याकरिता ज्येष्ठ संघटनेच्या वतीने आवाहन करण्यात आले. अमित स्पोर्ट अकादमीच्या योगपटूंनी चित्तथरारक योग प्रात्यक्षिक सादर करीत मतदान करावे असा संदेश दिला. यावेळी व्ही जे अमोल यांनी लहान फन गेम्स घेतले त्यातील विजेत्यांना मान्यवरांच्या हस्ते पुरस्कार प्रदान करण्यात आले.
▪️“वोटेथॉन” 5 किलोमीटर स्पर्धेतील विजेते
महिला:
प्रथम: अंजली मडावी, द्वितीय: रिता तरारे, तृतीय : सुचिता वडामे, चतुर्थ: निकिता साहू, पाच: रितू मडावी
पुरुष प्रथम: गौरव खडटकर, द्वितीय: मनीष पथे, तृतीय : अभय मस्के, चतुर्थ: रोहित राहंगडाले
पाच: मोहित कोरे
लहान मुलांचा गट
मुलं: सौरभ भट्ट (७ वर्ष), लक्ष पटेल(८ वर्ष) अद्वित भोसले(९ वर्ष) मुली: आर्या टाकोने(६ वर्ष), नव्या बाराई(१० वर्ष),श्रावणी लसने (१२ वर्ष)ज्येष्ठ नागरिक:दिवाकर भोयर(७९ वर्ष), दामोधर वानखेडे(६५ वर्ष) संतोष तायडे(४७ वर्ष)
महिला श्रीमती रेणू सिद्धू (४९ वर्ष )
फॅन्सी ड्रेस- संतोषी धूम, दिव्या घुमने, जीवा सूर्यवंशी, रुद्र टाकोने,
सर्व विजेत्यांना मान्यवरांच्या हस्ते पुरस्कार प्रदान करण्यात आले.
याप्रसंगी मनपाच्या उपायुक्त डॉ. रंजना लाडे, नागपूर जिल्हापरिषदेचे उपमुख्य कार्यकारी अधिकारी कपील कलोडे, उपमुख्य कार्यकारी अधिकारी डॉ. कैलास घोडके, समाज कल्याण सहायक आयुक्त श्रीमती सुकेशिनी तेलगोटे, जिल्हा क्रीडा अधिकारी श्रीमती पल्लवी धात्रक, मनपाचे उपायुक्त श्मिलिंद मेश्राम, प्रकाश वराडे, गणेश राठोड, श्विजय देशमुख, डॉ. गजेंद्र महल्ले, शिक्षणाधिकारी श्रीमती साधना सयाम, वैद्यकीय आरोग्य अधिकारी डॉ. दीपक सेलोकर, क्रीडा अधिकारी डॉ. पियुष आंबुलकर यांच्यासह मनपा, जिल्हा परिषद व जिल्हाधिकारी कार्यालयातील अधिकारी व कर्मचारी प्रामुख्याने उपस्थित होते.
00000
