मिळालेल्या माहितीनुसार, नाशिक जिल्ह्यातील खामखेडा शिवारात गेल्या दहा ते पंधरा वर्षापासून वास्तव्यास असलेल्या पंडित नामदास कुटुंबियांचा मेंढपाळाचा व्यवसाय आहे. दोन मुलं सुना आणि नातवंडांसह हे कुटुंबीय वाड्यावरच वास्तव्यास असते. पाऊसच नसल्याने गेल्या एक दीड महिन्यांपासून नामदास कुटुंबाचा मेंढ्यांचा मुक्काम मांगबारी घाटातील नवशा गणपती मंदिराच्या पूर्वेकडील संजय काशिनाथ मोरे यांच्या शेतात होता. काल दिनांक ७ रोजी दिवसभर पावसाची रिपरिप सुरू असल्याने हे कुटुंबीय मेंढ्यांच्या वाड्या शेजारील आपल्या पालात बसून होते. दुपारी तीन वाजेपासून जोरदार पाऊस झाल्याने या चिमुरड्यासह घरातील इतरही चार ही मुलं आणि कुटुंबीय आडोशाला पालात बसलेले होते.
पाऊस उघडल्यानंतर घरातील इतरही मुलं घराशेजारीच खेळत असताना इकडे पालाजवळ तसेच मेंढ्यांकडे देखील केदा आढळून न आल्याने कुटुंबियांनी इतर तसेच या ठिकाणी असलेल्या मंदिराकडे रस्त्यावर शोधाशोध सुरू केली. मात्र तो कुठेच आढळून न आल्याने त्यांनी शेतातील खड्ड्याकडे जाऊन पाहिले असता त्यांना त्या ठिकाणी पाण्यात बुडालेला दिसला. लगेचच कुटुंबियांनी त्याला उपचारासाठी देवळा ग्रामीण रुग्णालयात नेले असता डॉक्टरांनी त्याला मृत घोषित केले. शवविच्छेदन केल्यानंतर रात्री उशिरा त्याच्यावर खामखेडा येथे अंत्यसंस्कार करण्यात आले. एकुलत्या एक मुलाचा असा दुर्दैवी मृत्यू झाल्याने कुटुंबियांनी एकच हंबरडा फोडला. मेंढपाळ कष्टकरी कुटुंबीयांच्या कुटुंबातील मुलाचा असा दुर्दैवी मृत्यू झाल्याने गावावर शोककळा पसरली. याबाबत देवळा पोलीस ठाण्यात स्थानकात अकस्मित मृत्यूची नोंद करण्यात आली आहे.
