ठाणे,दि.8 (जिमाका):- प्रधानमंत्री नरेंद्र मोदी उद्या दि.9 डिसेबर 2023 रोजी दुपारी 12.30 वाजता दूरदृश्यप्रणालीच्या माध्यमातून विकसित भारत संकल्प यात्रेतील लाभार्थ्यांशी संवाद साधणार आहेत. विविध शासकीय योजनांचे लाभ सर्व लक्ष्यित घटकांपर्यंत कालबद्धरीतीने पोहोचतील, हे सुनिश्चित करून सरकारच्या प्रमुख योजनांची पूर्णता प्राप्त करण्याच्या उद्देशाने देशभरात ‘विकसित भारत संकल्प यात्रा’ आयोजित केली आहे. ठाणे जिल्ह्यातील काल्हेर ग्रामपंचायत, ता.भिवंडी येथे या कार्यक्रमाचे आयोजन करण्यात आले आहे.
या मुख्य कार्यक्रमापूर्वी ग्रामपंचायत काल्हेर, ता.भिवंडी, जि.ठाणे येथे सकाळी 11.00 वा. मान्यवरांचे आगमन होणार असून सकाळी 11.05 वा. दीपप्रज्वलनाने कार्यक्रमाची सुरुवात होणार आहे. सकाळी 11.05 ते 11.15 वा. मान्यवरांचे स्वागत होणार आहे. सकाळी 11.15 ते 11.25 वा. कार्यक्रमाचे प्रास्ताविक होईल. सकाळी 11.25 ते 11.35 वा. मुख्य कार्यकारी अधिकारी जि.प.ठाणे श्री.मनोज जिंदल (भाप्रसे), जिल्हाधिकारी श्री.अशोक शिनगारे, सार्वजनिक बांधकाम मंत्री (सार्वजनिक उपक्रम वगळून) रवींद्र चव्हाण, राज्य उत्पादन शुल्क मंत्री तथा पालकमंत्री, ठाणे ना.शंभूराजे देसाई, केंद्रीय राज्यमंत्री पंचायतराज ना.कपिल पाटील हे आपले मनोगत व्यक्त करणार आहेत. त्यानंतर उपस्थित मान्यवरांच्या हस्ते लाभार्थ्यांना प्रमाणपत्र/लाभ वाटप केले जाणार आहे. यानंतर लाभार्थ्यांसोबत संवाद साधला जाणार आहे. त्यानंतर शपथ घेतली जाणार आहे.
दुपारी 12.30 वा. मा. प्रधानमंत्री नरेंद्र मोदी हे दूरदृश्यप्रणालीच्या माध्यमातून विकसित भारत संकल्प यात्रेतील लाभार्थ्यांशी संवाद साधणार आहेत. केंद्रीय माहिती आणि प्रसारण आणि युवा घडामोडी आणि क्रीडा मंत्री यांचे स्वागत होणार आहे. दुपारी 12.35 वा. लाभार्थ्यांसमोर ‘कहानी मेरी जुबानी’ या लघुपटाचे प्रदर्शन होणार आहे. दुपारी 12.38 वा. मा. प्रधानमंत्री नरेंद्र मोदी हे 5 लाभार्थ्यांशी संवाद साधणार आहेत आणि त्यानंतर दुपारी 12.50 वा. प्रधानमंत्री नरेंद्र मोदी हे लाभार्थ्यांना संबोधणार आहेत.
0000
