निरीक्षक राजकुमार दिवसे रा. रविनगर व प्रकाश गायकवाड रा. जानकीनगर, हुडकेश्वर,अशी गुन्हा दाखल करण्यात आलेल्यांची नावे आहेत. रमेश भागू जैद (वय ५९ रा. रा. फ्रेण्ड्स कॉलनी) यांच्या तक्रारीवरुन हा गुन्हा दाखल करण्यात आला.
जैद हे राज्य विक्रीकर विभागात सहआयुक्त आहेत. २१ ऑक्टोबर २०२२ ला त्यांची महाराष्ट्र विक्रीकर न्यायाधिकरण नागपूर खंडपीठात सदस्यपदी नियुक्ती करण्यात आली. पोलिसांकडून मिळालेल्या माहितीनुसार, नोव्हेंबर २०२२मध्ये दिवसे यांची बदली अमरावतीला झाली. त्यांनी जैद यांना बदली रद्द करण्याची विनंती केली. मात्र जैद यांनी काही कारणास्तव ती रद्द केली नाही. ११ जुलैला गायकवाड याने जैद यांच्या मोबाइलवर संपर्क साधला. सर्व पोलिस मला पैसे देतात, तुम्हीही पैसे द्या,असे तो म्हणाला. त्यानंतर २४ ऑगस्टला दिवसेंनी त्यांना फोन करून बदली न थांबविल्याबद्दल नाराजी व्यक्त केली. त्यांना आर्थिक मदत मागितली. मात्र जैद त्याला मदत करू शकले नाहीत. त्यानंतर माहिती अधिकार कार्यकर्त्याच्या माध्यमातून त्यांच्याविरुद्ध (जैद) दस्तऐवज जमा केल्याचा मॅसेज दिवसेंनी पाठविला. त्यांना ठार मारण्याची धमकी देत १५ लाख रुपयांची खंडणी मागितली.
जैद यांनी चौकशी केली असता दिवसे व गायकवाड या दोघांनी खंडणी उकळण्यासाठी कट आखल्याची माहिती समोर आली. त्यानंतर पुन्हा दोघे खंडणीसाठी त्यांना धमकी द्यायला लागले. तुम्ही नागपुरात एकटे राहता. तुमच्या जीवाचे बरे वाइट होऊ शकते,असेही दिवसे त्यांना म्हणाले.जैद यांनी सदर पोलिस स्टेशन गाठून तक्रार दिली. पोलिसांनी दोघांविरुद्ध खंडणीचा गुन्हा दाखल केला. पोलिसांनी शनिवारी दोघांना बोलाविले. प्रकरणाशी संबंधित जबाबासाठी ठाण्यात हजर राहण्यास सांगून पोलिसांनी सूचनापत्र देऊन त्यांना सोडले. गायकवाड हा यु-ट्यूब चॅनल चालवित असल्याची माहिती आहे.
भारत आणि पाकिस्तान सामन्याचा अखेर निर्णय झाला, समोर आली आता मोठी अपडेट
